17:05, 28 Қазан 2016 | GMT +6
Талдықорғанда 7 мыңға жуық ағаш көшеттері отырғызылады
ТАЛДЫҚОРҒАН. ҚазАқпарат - Бүгін Талдықорған қаласында жалпықалалық сенбілік басталды. Шара аясында қаланың бірқатар жерлеріне көшеттер отырғызылып, тазалық жұмыстары жүргізілуде. Жалпықалалық сенбілік ертең де жалғасады.
Ұйымдастырушылар осы аралықта қала бойынша 7 мыңға жуық көшет отырғызуды жоспарлап отыр. Бүгін Қаратал өзенінің жағалауына 900 түп ағаш отырғызылды. Айта кету керек, аталған шара «Талдықорған - бақ қала жобасы» аясында ұйымдастырылуда.