Ауа райы
Астана 13 °С
Алматы 5 °С
валюта бағамы
USD 340.35
EUR 405.46
RUB 5.87
CNY 51.64
Конституцияны қастерлеу - әрбір қазақстандықтың қасиетті парызы АСТАНА. ҚазАқпарат - Ежелден белгілі қағидат бар - заңдылық сақталған жерде ғана тұрақтылық пен орнықты даму болады. Заңдылық сақталмайтын, конституциялық өзегі солқылдақ мемлекеттің болашағы бұлыңғыр. Тіпті қазақтың ұлы даласында ықылым заманнан хандықтың сақталып келуі, содан барып бүгінгі Тәуелсіз Қазақстанның қалыптасуы сол бір кездегі дала заңдарының беріктігі негізінде ғана орын алды. «Қасым ханның қасқа жолы», «Есім ханның ескі жолы», «Тәуке ханның Жеті Жарғысы» хандық ішіндегі тәртіпті бекемдеп қана қойған жоқ, мемлекеттілікті нығайтты, елдіктің өміршеңдігін танытты. Яғни, қазақ тарихындағы хандар заманында қазақ қауымдастығының дамып, өрлеуі де негізінен заңдылықты сақтаудың арқасында ғана мүмкін болған. Бір кездері бұл солай болса, бүгінгі шапшаң өзгеріске ұшырап жатқан ғасырда конституциялық қағидаттарды берік ұстану дамудың бірден-бір кепіліне айналып келеді. Осы тұрғыдан алғанда Тәуелсіздік алғаннан кейінгі Қазақстанның өз ұстанымын бекітіп, болашағын айқындаған 1995 жылғы Конституция елдік тарихымыздың жаңа парағына айналды десе де болады.
Еліміздің солтүстік өңірлерінде халықтың 1 млн адамға кему қаупі бар АСТАНА. ҚазАқпарат - Сарапшылар бүгінде Қазақстанның солтүстік бөлігінде еңбекке қабілетті жастағы азаматтар азайып бара жатқанын айтып, дабыл қағуда. Бұл өз кезегінде қоғамды алаңдататын мәселе екені анық. Бүгінде бағдарлама аясында оңтүстік өңірлерден солтүстік облыстарға көші-қон тек ерікті түрде ғана іске асырылады, яғни отбасыларды мәжбүрлі түрде қоныстандыру деген жоқ. Егер де қазіргі демографиялық, көші-қон үрдістері сақталар болса, солтүстіктегі төрт облыста еңбекке қабілетті адамдарды жоғалту қаупі шынымен де бар. Есептеулерге сүйенсек, 2050 жылға қарай солтүстік өңірлердегі халықтың саны 1 млн адамға азаятыны белгілі болып отыр. Енді осы жағдайға орай дер кезінде қажетті іс-қимылдарды жүзеге асыру үшін жан-жақты пысықталған, салмақты қадамдар қажет болып тұр.
Отандық тауарлардың санын арттыра аламыз ба АСТАНА. ҚазАқпарат - Еуразиялық экономикалық одақ аясында тауарлар мен қызметтердің еркін саудасына жол ашылғаннан кейін бәсекелестік күшейе түсті. Сөз жоқ, отандық өнім өндірушілер үшін ондай бәсекелестікке төтеп беру оңайға соқпады. Оны дүкен сөрелерінде тұрған тауарлардан да анық байқауға болады. Шетелдік өнімдердің үлесі әлі де басым. Дегенмен, қазіргі кезде кәсіпкерлікті дамыту саласындағы мемлекеттік шаралардың арқасында бәсекеге қабілетті кәсіпті ашуға мүмкіндік бар. Алайда қай салаға басымдық берген дұрыс? Қытайлық тауарларға төтеп бере аламыз ба? Отандық тауарларды шығарамыз деп, жан-жаққа шашыла бермей, нақты бір салаға ден қойған жөн бе? Алдағы уақытта бизнестің қай түріне басымдық беріледі? ҚазАқпарат тілшісі осы мәселелердің төңірегінде ой қозғап көрді.
Мұхамедиұлы туризмді дамытуға ден қойды АСТАНА. ҚазАқпарат - «Көлікке мініп ап, Қазақстанды аралап шықса ғой...» деген ойдың жетегінде географиялық картаға үңілмеген, қиялдың шырмауында елдің күнгейі мен теріскейін, батысы мен шығысын аралап шықпаған жаны қазақ адам жоқ шығар, сірә. Алайда жол-жөнекей бір нәрсені көрмей қалудың күдігі үнемі кері тартып отырады. Алдағы уақытта Қазақстанның сакралды картасы жарыққа шыққанда, осы күдіктен толығымен құтылуға болатын сыңайлы. ҚР Мәдениет және спорт министрі Арыстанбек Мұхамедиұлы оны жай есеп берудің құжаты ретінде шығарып қоймай, ішкі туристер, яғни өзіміз үшін жол нұсқаушы ретінде кеңінен таратуды көздейді. Ал сырттан қытайлық туристерді көптеп тарту жоспарланып отыр. Жергілікті жерде тарихи орындар дұрыс сақталмаса, министрлік ондай жерлерді өз бақылауына алады. Жаңадан құрылған «Қазақ Туризм» ұлттық компаниясына да тиісті міндеттер жүктелмекші, деп хабарлайды ҚазАқпарат тілшісі.
ары қарай