09:38, 25 Қыркүйек 2017 | GMT +6
Тағы үш елдің азаматтарына АҚШ-қа баруына тыйым салынды
АСТАНА. ҚазАқпарат - АҚШ-қа кіруге тыйым салынған елдер тізімі толықтырылды. Бұл тізімге енгізілген мемлекеттер қатарына енді Солтүстік Корея, Венесуэла және Чад республикалары қосылды, деп хабарлайды Би-би-си.
Жаңа шектеулер 18 қазаннан бастап өз күшіне енеді.
«Американың қауіпсіздігі - біздің ең басты басымдылығымыз. Біз қауіпсіздігін жете тексере алмайтындарды өз елімізге кіргізе алмаймыз», - деп мәлімдеді Дональд Трамп өзінің Твиттердегі парақшасында.