Сүңгуірлер Теміртауда жоғалған қызды 4 тәулік бойы іздестіруде

ҚАРАҒАНДЫ. ҚазАқпарат - Алдын ала мәліметтер бойынша Теміртауда 4 күн бұрын өзенге ағып кетті деп күдік келтіріліп отырған 14 жасар қызды іздестіруге 30-ға жуық еріктілер қосылды, деп хабарлайды ҚазАқпарат.

«Іздеу жұмыстарына 4 қайық, 30-дан астам Төтенше жағдайлар саласының қызметкерлері мен еріктілер жұмылдырылған. Садовое ауылындағы өзен жағасы толық тексерілді. Әзірге нәтиже жоқ. Осы уақытта өзен жағалауларын қарау жұмыстары жүріп жатыр»,-деді Теміртау қалалық Төтенше жағдайлар департаментінің бастығы Арман Алпысбаев.

Айта кетейік, қайғылы оқиға 29 мамыр күні болған. Жасөспірімдер ағашқа байланған жіпке ілініп, тербеліп барып суға түсіп, ойнап жүрген. Ауа райының қолайсыздығы суңгуірлердің жұмысына кедергі келтіруде. Өзен күні-түні тексерілуде.