Қолданушы баптаулары
Қолданушы баптаулары
+7 (701) 759 90 19 Лента
Астана: -25 °С
Алматы: -5 °С
USD 334.85 EUR 394.29
RUB 5.69 CNY 50.60
Жаңалықтар

Сүндет Байғожин туған жерінде тұңғыш концертін өткізді

2017 жылғы 7 желтоқсан 23:14 448
Поделиться:
Сүндет Байғожин туған жерінде тұңғыш концертін өткізді

ҚОСТАНАЙ. ҚазАқпарат - Қазақстандағы танымал опера әншісі Сүндет Байғожин Қостанайдағы бірінші ән кешін өткізді, деп хабарлайды ҚазАқпарат тілшісі.

Облыстық филармонияға жиылған кісі қарасы көп болды. Кеш иесі алдымен Абайдың «Көзімнің қарасы» әнін орындады. Жерлестерінің ыстық ықыласы «Сұршақыз», «Аққурай» сияқты халық әндерінен соң да байқалды.


Сүндет Байғожин туған жерінде тұңғыш концертін өткізді

Концерттік бағдарламада Қазақстанның мәдениет қайраткерлері Бибігүл Төлегенова, Нұржамал Үсенбаева, Төлеген Мұхамеджановтар бейнеқұттықтауларын жолдады.


Сүндет Байғожин туған жерінде тұңғыш концертін өткізді

«Сүндет - біздің мақтанышымыз. Оның Рим сахнасын бағындыратынына сенімім мол. Жас кезінен өнерге деген құлшынысының арқасында талай жетістіктерге жетті. Сүндеттікіндей дауыс екінің бірінде жоқ», - деп ағынан жарылды Нұржамал Үсенбаева.


Сүндет Байғожин туған жерінде тұңғыш концертін өткізді

Мұнан соң атақты Августин Лараның «Granada», Валентенің «Passione», Петр Булаховтың «Тройкасы» шырқалды. Сондай-ақ, қостанайлықтарды өз өнерлерімен қуанту үшін «Астана Опера» театрының бір топ әртістері келді. Атап айтсақ, Сүндет Байғожин Айзада Қапановамен бірге «Севилья шаштаразы» операсындағы Фигаро мен Розинаны, Майра Бейнешпен «Маржан іздеуші» операсындағы Надир мен Зургиді орындады.


Сүндет Байғожин туған жерінде тұңғыш концертін өткізді

«Туған жердегі тұңғыш концерттік кеш жақсы өтті деп ойлаймын. Мені қолдауға келген барша әріптестеріме, тыңдармандарыма алғыс білдіремін. Рим сахнасын бағындыруым үшін сіздердің сенімдеріңіз аса қажет», - деп бөлісті опера әншісі.

Еске салайық, Сүндет Байғожин кеше тілшілермен кездесу барысында Италияға аттанар алдында, жерлестерінің батасын алып кетуге келгенін айтқан еді.

 

 

 

 


Бөлісіңіз:

Автор:

Батыр Жолайұлы

Пікір қалдыру
Онлайн қызметкерлер
Редактор
Айдар Оспаналиев
Айдар Оспаналиев
954-059
Мұрағат