Ауа райы
Астана -1 °С
Алматы 3 °С
валюта бағамы
USD 332.21
EUR 391.74
RUB 5.57
CNY 50.08

Спорт журналистері арасында байқау жарияланды

Спорт журналистері арасында байқау жарияланды
2017 жылғы 15 қараша 12:31 628

АСТАНА. ҚазАқпарат - Спорт тақырыбын арқау етіп жүрген Қазақстанның БАҚ өкілдері арасында спорт журналисі, қоғам қайраткері Сейдахмет Бердіқұловтың жүлдесіне арналған жыл сайынғы байқау жарияланды, деп хабарлайды «ҚазАқпарат» ХАА тілшісі.

Байқауды ҚР Мәдениет және спорт министрлігі Спорт және дене шынықтыру істері комитеті ұйымдастырып отыр. Жүлде спорт тақырыбындағы үш материалдың авторына беріледі. Оның екеуі мемлекеттік тілдің мәртебесін көтеру мақсатында қазақ тілінде жазылған материал болса, бірі - орыс тіліндегі жұмыс үшін табысталады. 

Байқауға ұсынылатын жұмыстардың басты тақырыптары:

1.  Чемпионаттарда, Әлем және Азия кубоктарында, халықаралық гран-приде, «А» категориялы турнирлерде, Қазақстан біріншіліктерінде қазақстандық спортшылардың өнер көрсетулері;

2.  Қазақстандық БАҚ-тың бұқаралық, паралимпиадалық, ұлттық және балалар спорт түрлері (Паралимпиадалық жарыстар, ұлттық спорт түрлері бойынша фестивальдар, марафондар мен ауылдық ойындар) туралы материалдары;

3. Дене шынықтыру және спорт проблемалары және оларды шешу жолдары туралы мақалалар, материалдар, очерктер;

4. Спорт тақарыбындағы телевизиялық, радио бағдарламалар, деректі фильмдер, газеттер немесе журналдарға шыққан мақалалар;

5. Қазақстан жазушыларының авторлық жұмыстары (кітаптар, спорттық энциклопедиялар және т.б.).

Байқау жеңімпаздары арнайы дипломпен, «Сейдахмет Бердіқұлов байқауының лауреаты» төсбелгісімен және ақшалай сыйақымен марапатталады. Өтінімдер мен жұмыстар Астана қаласы Мәңгілік ел көшесі, 8 мекенжайындағы Спорт және дене шынықтыру істері комитетінде 2017 жылдың 15 желтоқсанына дейін қабылданады. Сонымен қатар, өтінімді rauhan_13@bk.ru поштасына жіберуге болады.

 

 

Басты сөздер: Спорт, БАҚ, ҚР Мәдениет және спорт министрлігі,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер