Содырлар Нигерияда 30 адамды өлтіріп кетті

АСТАНА. ҚазАқпарат - Нигерияның солтүстік-батысындағы Замфара штатында сенбі күні  белгісіз содырлар екі елді мекенге  шабуыл жасаған. 

Олар кем дегенде 30 адамды өлтіріп кетті, деп хабарлайды Синьхуа жергілікті полицияға сілтеме жасап.

Осы келеңсіз жағдайға дейін, бірнеше күн бұрын жергілікті тұрғындардан шұғыл хабар түсіп, қауіпсіздік қызметі үш қылмыстық топтың мүшелерін тұтқындаған болатын. Осыдан соң  содырлар  жиналып, тұрғындардан кек қайтаруды көздеген.

Қазіргі уақытта оқиға болған аумақта қауіпсіздік шаралары күшейтілді.