СҚО мектептерінде ертең де сабақ болмайды

ПЕТРОПАВЛ. ҚазАқпарат - Солтүстік Қазақстан облысында сейсенбі күні 1-11 сынып оқушыларына сабақ болмайды, деп хабарлайды «ҚазАқпарат» ХАА тілшісі.

112 қызметі 23 қаңтарда өңір аумағында 30 градус аяз болатыны туралы хабарлама жіберді. Хабарламада 1-11 сынып оқушыларына сабақ болмайтыны айтылған. 

Еске сала кетейік, Солтүстік Қазақстан облысында бүгін де 1-11 сынып оқушылары күннің суытуына байланысты сабақ оқыған жоқ.