СҚО-да жолаушылар тасымалын субсидиялауға 30 млн. теңге бөлінеді

None
None
ПЕТРОПАВЛ. ҚАЗАҚПАРАТ - Солтүстік Қазақстан облысында әлеуметтік маңызы жоғары бағыттар бойынша жолаушылар тасымалын субсидиялау басталды, деп хабарлайды ҚазАқпарат тілшісі.

Қолданыстағы заңнамаға сәйкес, жергілікті билік органы әлеуметтік маңызы жоғары тарифтерді белгілеп, бекітуге міндетті. Осы ретте Солтүстік Қазақстанда «Петропавл - Ақсуат», «Петропавл - Молодогвардейское», «Петропавл - Қарақоға» бағыттары таңдап алынып, соның негізінде облыс әкімдігінің отырысы барысында тиісті шешім бекітілді.

 «Облыс бойынша орташа баға 7 теңгені құрайды. Ал әлеуметтік маңызы жоғары бағыттарға тариф 6 теңге деп бекітілді. Бағаны бұдан төмен түсіретін болсақ, облыс бюджетіне салмақ түсетін болады», - деді автомобиль жолдары және жолаушылар тасымалы басқармасының бастығы Бейбіт Ісманов.

Оның айтуынша, аталған үш бағыттағы автобустарға облыстық бюджеттен жылына 30 млн. теңге бөлінеді.

 

Соңғы жаңалықтар