СҚО-да нан бағасы арзандады
Екі ай бұрын астықты аймақта нан бағасы 3 пайызға өскен еді. Қазір бидай бағасы былтырғымен салыстырғанда 10 пайызға өссе де, СҚО-дағы ірі наубайхана нанның көтерме бағасын арзандатты. Ал нан бөлкесі 61 теңгеге сатылуда.
«Петропавл нан-тоқаш комбинаты» ЖШС директоры Ерлан Қайшыбековтің айтуынша, көтерме сауда орындарында нанның құны 54 теңге тұрады. Бағаның түсуіне бірнеше факторлар әсер еткен.
«Әкімшілікпен келісімге келу а рқылы біз нан бағасын түсіру туралы шешім шығардық. Біз - ірі кәсіпорынбыз. Нан - аса қажетті азық-түліктің бірі болғандықтан, оның бағасын өсірмеуге етуге тырысып жатырмыз», - деді Ерлан Қайшыбеков.
Басқа нан мен тоқаш түрлерінің бағасы сол күйінде қалып отыр.
Айта кетейік, СҚО биыл 5,6 тоннадан аса астық жинады. Астық жинау науқаны әлі де жалғасып жатыр.