СҚО-да электр энергиясының бағасы көтерілмек
СҚО бойынша табиғи монополияларды реттеу және бәсекелестікті қорғау департамені басшысының міндетін атқарушы Наталья Шаяхметованың айтуынша, «Солқазэнерго» ЖШС қарашаның аяғында 2018 жылғы 1 қаңтардан бастап электр энергиясы шектік бағасының көтерілуі туралы мәлімдеген.
«Электр энергиясының бағасын орташа 15,97 теңгеге арттыру туралы мәлімдеме жасалған. Ал қазіргі баға 14,62 теңгені құрайды, яғни баға өсімі 9,2% болып отыр. Департамент бағаны арттыру жөніндегі жобаны сараптамадан өткізеді. Тұрғындардың пікірі ескеріледі. Содан кейін ортақ шешім шығарылады», - дейді Наталья Шаяхметова.
«Солқазэнерго» ЖШС тарапы бағаны көтеруге негіздің бар екендігін алға тартып отыр. «Ағымдағы жылдың 1 қаңтарынан бастап электр энергиясын жеткізіп берудің құны артқанын, ал тариф соңғы рет 2016 жылдың 1 қаңтарында өзгертілген», - дейді ЖШС бас директорының міндетін атқарушы Мағауия Сағындықов.
Оның сөзіне қарағанда кәсіпорын 2015 жылдан бері 1 млрд теңге залал көрген.