Синоптиктер сәрсенбіде ел аумағында жауын-шашын тыйылады деп болжайды

АСТАНА. ҚазАқпарат - 31 мамырда Қазақстанның территориясының басым бөлігіне антициклон әсер етеді, соған байланысты жауын-шашынның тоқталуы күтіледі, тек республиканың солтүстік-батыс, солтүстік және шығыс аймақтарда ағындардың өтуіне байланысты құбылмалы ауа райы сақталады, жаңбыр жауады, найзағай болады, жел күшейеді, бұршақ жаууы мүмкін, деп хабарлайды ҚазАқпарат.

Ақмола облысында түнде кей жерлерінде, күндіз басым бөлігінде жел 15-20 м/с күшейеді, екпіні 25 м/с болады, түнде және таңертең тұман бақыланады. Солтүстік Қазақстан облысында жел 15-20, кей жерлерінде екпіні 23-28 м/с күшейеді, бұршақ жаууы мүмкін.

Шығыс Қазақстан облысының кей жерлерінде жел 15-20 м/с күшейеді, бұршақ жаууы мүмкін.

Павлодар, түнде Ақтөбе, Қостанай, Қарағанды облыстарының кей жерлерінде жел 15-20 м/с күшейеді.

Түнде Ақмола,Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде 3 градус үсік күтіледі.