Singer-2017 байқауы туралы не білеміз
«I am singer» теле-шоуының бесінші маусымы 2017 жылы Қытай үкіметінің Корей ойын-сауық мәдениетіне шектеу қоюы салдарынан «Singer 2017» болып өзгертіліп, мазмұны және байқау шарттары жаңартылды.
Жобаға жалпы 7 әнші қатысады. Шақыру алған әншілер келісімге сәйкес жобаға қатысуы, байқаудың нәтижесі туралы ақпарат құралдарына айтпауға, құпиялықты сақтуға келісім береді.
«Singer-2017» ән байқауының жарыс кестесі
Іріктеу кезеңі 5 айналымнан, әр айналым 2 кезеңнен тұрады (жалпы 10 кезең). «Жұбату» белдесуі, жартылай финал және екі кезеңнен тұратын финалмен жеңімпаз анықталады. Финал тікелей эфирден көрсетіліп, іріктеу кезеңі алдын-ала түсірілімнен кейін көрсетіледі.
I айналым: 21 және 28 қаңтар.
II айналым: 4 және 11 ақпан.
III айналым: 18 және 25 ақпан.
IV айналым: 4 және 11 наурыз.
V айналым: 18 наурыз, 25 наурыз.
Жұбату белдесуі: 1 сәуір
Финал: 8 және 15 сәуір күндері.
«Singer 2017» қатысушыларын бағалау
500 тыңдарман сол кезеңдегі ең үздік әншіні бағалап, билет саны ең аз бір қатысушы шығарылып отырады. Әр айналымның қорытындысы бойынша 1-орыннан 7-орынға дейін рейтинг құрылып, жобадан шығып қалған 7-орындағы әншінің орынына жаңа әнші қосылады.
«Singer-2017» байқауындағы Димаш
Димаш Құдайберген жобаға қатысу үшін 5 қаңтарда Чаншаға барғанын хабарлаған едік. Жобаны ұйымдастырушылар 9 қаңтарда Қазақстандық әншінің қатысатынын жариялады.
Бастапқы екі кезеңде ерекше талантымен көзге түскен жерлесіміз бірінші кезеңде 27.00%, ал екінші кезеңде 24.36% дауыс жинап, бірінші айналымның қортындысы бойынша 25.68% дауыспен бас жұлдені еншіледі.
Димаш Қытайдың Бейжің қаласындағы BGTalent (黑金经纪) продюсерлік орталығымен бірге жұмыс жасауда. Продюсерлік орталық әншінің стилі және жобада сәтті өнер көрсетуіне көмектеседі. Ал байқаудағы жеке продюсері - Қытайдағы үлкен ән байқауларының қатысушысы, қандасымыз Арай Айдархан.
Айта кетейік, «Singer-2017» байқауының 4 кезеңі Астана уақытымен 20:30-да эфирде көрсетіледі.