ШЫҰ-2016 марафонының жеңімпазына 40 мың доллар беріледі

БЕЙЖІҢ. ҚазАқпарат - 2016 жылдың желтоқсан айында Юньнань провинциясының Куньмин қаласында Шанхай ынтымақтастығы ұйымының (ШЫҰ) марафонын өткізу жоспарланған. Оның таныстырылымы аталған қалада 14-15 қазанда өтеді. Бұл туралы ШЫҰ Хатшылығында өткен Қытай мәдениет күнінде белгілі болды.

«2 мың метрге жуық биіктікте жүгіреміз. 14 қазанда марафонның арнайы таныстырылымы өтеді. Кейін бар құпияны ашамыз. Бірінші орын үшін 40 мың доллар беріледі», - деді ШЫҰ Бас хатшысы Рашид Алимов ШЫҰ-ға мүше-мемлекеттердің елшілері үшін өткен таныстырылымда.
Марафон - жеңіл атлетикаға жататын спорт түрі, онда 42 километр 195 метр (26 миль 385 ярд) қашықтыққа жүгіреді.