Шымкентте ұялы телефондарға экстремистік уағыздар жазып сатқан қылмыстық топ ұсталды

ШЫМКЕНТ. ҚазАқпарат - Шымкенттің орталығында арнайы жасақ қызметкерлері деструктивті діни ағымдарының ұстанушыларынан құралған қылмыстық топты ұстаған. Бұл туралы облыстық ІІД баспасөз қызметі мәлімдеді, деп хабарлайды ҚазАқпарат ХАА тілшісі.

Полицейлердің ақпаратына сәйкес, бүгін таңертең «Гарант» дүкендері аумағында ОҚО ІІД және ОҚО ҰҚК қызметкерлері бірлесе отырып, деструктивті діни ағымдарының ұстанушыларынан құралған қылмыстық топты құрықтау бойынша арнайы іс-шарасын өткізген. Тергеудің нұсқалары бойынша бұл топ мүшелері ұрланған телефондарды алып сатумен айналысқан. Олар мобильді құрылғылардың идентификациялық кодын өзгертіп келіпті. Сондай-ақ ұялы телефондарға экстремистік сипаттағы ақпараттарды жазып, сатып отырған. Қазір ұсталғандар уақытша тергеу абақтысына қамалып, сотқа дейінгі тергеу амалдары жүргізілуде.