20:59, 01 Желтоқсан 2017 | GMT +6
Шымкентте Тəуелсіздік жетістіктері фотосуреттермен көрсетілді
АСТАНА. ҚазАқпарат - Бүгін Шымкент қаласындағы «Shymkent Plaza» сауда ойын-сауық орталығында «Тəуелсіздік тұғырын бекіткен Елбасы» атты фотокөрме ашылды. Президент күніне арналған іс-шараның барысында тәуелсіздіктің алғашқы күндерінен бүгінге дейін еліміздің тұрақты дамуына негіз болып келе жатқан Мемлекет басшысының өз саясаты мен идеясының айналасына қоғамды топтастыра алғандығын көрсететін, Тəуелсіздік жетістіктерін бейнелейтін шамамен 50-ге жуық сурет ұсынылды. Бұл туралы ОҚО әкімдігінен мәлім етті.
Сондай-ақ көрмеде Ұлт көшбасшысының көпұлтты, көпконфессиялы, тәуелсіз, демократиялық Қазақстанның қалыптасуы мен тұтастығын сақтаудағы рөлі, Қазақстанның сыртқы, ішкі саясаттағы жетістіктері жəне Мемлекет басшысының басқаруымен республикамыздың сан-салалы, көпқырлы дамуы көрсетілді.
Аталған іс-шараға облыс əкімі Ж.Түймебаев, облыс əкімдігінің өкілдері, Шымкент қаласының əкімі Н.Сауранбаев, қала тұрғындары мен қонақтары қатысты.
Көрме мерекелік концерттік бағдарламамен ұласты.