Ауа райы
Астана -9 °С
Алматы -3 °С
валюта бағамы
USD 330.00
EUR 390.72
RUB 5.65
CNY 50.13

Шымкентте кәріз құбырларын тарту кезінде 5 жұмысшыны топырақ басып қалды

Шымкентте кәріз құбырларын тарту кезінде 5 жұмысшыны топырақ басып қалды
2017 жылғы 19 маусым 23:32 974

ШЫМКЕНТ. ҚазАқпарат - Шымкентте кәріз құбырларын тарту жұмыстары кезінде 5 жұмысшыны топырақ басып қалды. Оларды құтқаруға келген құтқарушының өзі орта дәрежеде жарақат алған, деп хабарлайды ҚазАқпарат ХАА тілшісі.

Оқиға бүгін күндізгі сағат 16-00-дер шамасында қаладағы Тастақ көшесінде болған. «Югсантехмонтаж» серіктестігінің жұмысшылары 4-5 метрлік тереңдікте жер қазып, құбырлар тартып жатқанда үстілеріне топырақ түсіп кеткен. Біраз уақыт бойы үйінді астында қалғандарды жанындағылар шығара алмаған соң, құтқарушыларды шақырыпты. Топырақ астындағы адамдарды сыртқа шығару барысында құтқарушылардың бірі Мұхит Ибрагимовтың өзі де жарақат алып, дәрігерлердің көмегіне жүгінген. Ол қазір аурухананың жарақат бөлімінде жатыр. Жағдайы орташа деңгейде деп бағалануда. Топырақ астында қалған жұмысшылар да емдеу мекемесіне жеткізіліп, оларға тиісті емдік шаралар жүргізілді.

Енді өңірдің төтенше жағдайлар қызметі мен еңбек инспекторлары болған оқиғаның мән-жайы мен себеп- салдарын анықтайтын болады.

Аударма: Айнұр Ақбаева
Басты сөздер: Оңтүстік Қазақстан облысы, Төтенше оқиғалар, апаттар, Құрылыс, Оқиға,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер