Шымкентік прокурорлар қылмыстық істі қарау мерзімін қысқартудың жаңа жүйесін ойлап тапты
Осы бақылау арқылы кез-келген азамат кезекші прокурормен тікелей жүздесіп, сағызша созылған істің себебін біле алады.
«Бұл азаматтардың уақытын үнемдеуге көмектеседі»,-дейді жобаны үйлестірушілер.
Бұл жүйені қадағалау органы өкілдері «прокурор домофоны» деп атады. Яғни, қылмыстық процестегі істі қарауды тергеуші немесе анықтаушы мерзімінен кешіктіретін болса, онда арызданушы немесе жәбірленуші тарап еш ойланбастан осы қондырғыны басуына болады. Яғни олар кезекші прокурормен тілдесіп, өзіне қажетті мәселе бойынша нақты жауап ала алады.
«Жаңа жүйе қолданысқа енді ғана енгізілді. Өз кезегінде кезекші прокурор азаматты қабылдаған соң, оған қатысты қандай да бір қылмыстық іс қозғалған болса немесе ол жәбірленуші болса оға міндетті түрде мәселенің мән-жайын 10-15 минут ішінде егжей-тегжейлі 10-15 түсіндіріп береді. Яғни, азаматтардың полиция ғимаратының алдында тергеушіні немесе анықтаушыны сағаттап күтуіне жол бермейміз»,-дейді Абай ауданы прокурорының орынбасары Дәулет Тілемісов.