Ауа райы
Астана -2 °С
Алматы -8 °С
валюта бағамы
USD 332.21
EUR 391.74
RUB 5.57
CNY 50.08

ШҚО-ның ұлттық спорт ойындарының жеңімпаздары ЭКСПО-ға аттанады

ШҚО-ның ұлттық спорт ойындарының жеңімпаздары ЭКСПО-ға аттанады
2017 жылғы 20 маусым 04:34 949

ӨСКЕМЕН. ҚазАқпарат - Өскеменде ұлттық спорт ойындарынан жарыс өтті. Ұлан ауданының командасы жеңімпаз атанды. Енді бұл команда Астанаға халықаралық мамандандырылған ЭКСПО-2017 көрмесіне аттанады, деп хабарлайды ҚазАқпарат облыстың ақпарат орталығына сілтеме жасап.

Спорттық жарыстарға өңірдің түрлі аудандарынан 5 команда қатысты. Екінші және үшінші орындарды Көкпекті және Тарбағатай аудандары жеңіп алды.

Қазақ даласында ежелден келе жатқан және бүгінгі күнге жеткен ұлттық спорт ойындары Қазақстан мәдениетінің ажырамас бөлігі іспеттес.

Елімізде ұлттық спорт ойындарын насихаттау ісіне республикалық және халықаралық деңгейде 100-ден астам жарыстар ұйымдастырылады. Ал Астанада халықаралық инновациялық «EXPO-2017» көрмесінің өтуіне байланысты әрбір өңір өз аймағының мәдениет күндерін ұйымдастырады.

Ендеше Өскемен қаласы мен Ұлан ауданының спортшылары Шығыс Қазақстан облысы мәдениетінің күндерінде, 22-23 шілде аралығында Астанада өздерінің өңірлерін көрсететін болады.

Жақын арада 60 адамды құрайтын шығысқазақстандық делегация елордаға аттанады. Олардың арасында әрине ұлттық спорт ойындарының жеңімпаздары да болады. Олар аударыспақ, көкпар, теңге алу, қыз қуу, жамбы ату сияқты ұлттық спорт ойындарынан өнер көрсететін болады.

 

 

 

 

Басты сөздер: Мәдениет, Шығыс Қазақстан облысы, Спорт,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер