12:21, 11 Қыркүйек 2017 | GMT +6
ШҚО-да трактор аударылып қалды
АСТАНА. ҚазАқпарат - Шығыс Қазақстан облысының Зырян ауданында Т-40 тракторы аударылып, оның жүргізушісі 19 жастағы жігіт зардап шекті, деп хабарлайды «ҚазАқпарат» ХАА тілшісі.
ШҚО жұмылдыру дайындығы басқармасының баспасөз қызметінен хабарлағандай, оқыс оқиға кеше, яғни 10 қыркүйек күні сағат 19:30 шамасында Зырян ауданының Тұрғысын ауылында тіркелген.
«Шөп шабу науқаны кезінде 1998 жылғы азамат көлік тізгінінен ие бола алмай, Т-40 тракторымен аударылып қалған. Зардап шегуші көптеген жарақаттарымен Орталық аудандық ауруханаға жеткізілді», - деп хабарлайды ведомстводан.
Қазіргі уақытта аталған жол-көлік оқиғасының мән-жайы анықталу үстінде.