Қолданушы баптаулары
Қолданушы баптаулары
+7 (701) 759 90 19 Лента
Астана: -10 °С
Алматы: 0 °С
USD 319.32 EUR 396.28
RUB 5.66 CNY 50.34
Жаңалықтар

Шанхайда АХҚО-ның инвестициялық мүмкіндіктері көрсетілді

2017 жылғы 29 қараша 23:32 1008
Бөлісіңіз:
Шанхайда АХҚО-ның инвестициялық мүмкіндіктері көрсетілді

БЕЙЖІҢ-ШАНХАЙ. ҚазАқпарат - Шанхай қор биржасында «Астана» Халықаралық қаржы орталығының (АХҚО) инновациялық және қаржы мүмкіндіктері таныстырылды, деп хабарлайды «ҚазАқпарат» ХАА-ның Қытайдағы меншікті тілшісі.

Шараны Қазақстанның ҚХР-дағы Елшілігі және «Самұрық-Қазына» АҚ-тың қолдауымен АХҚО басқарушысы Қайрат Келімбетов бастаған делегациясы өткізді. Оған Қытайдың инвестициялық, қаржы-банк, делдалдық және іскер шеңберлерінің 150-ден астам өкілі қатысты.

«Біз «Астана» Халықаралық қаржы орталығында жаңа биржа ашып жатырмыз, ол Американың Nasdaq жоғары технологиялық биржасы және Шанхай қор биржасымен тығыз ынтымақтастық жасайтын болады. Шанхай қор биржасы Қытай бизнесі және қаржы қоғамдастығымен байланыстарды дамытуға ықпалдастық ететін болып келістік», - деді Қ. Келімбетов ҚазАқпаратқа.

Оның сөзіне қарағанда, қытайлық инвесторлар Қазақстандағы инвестициялық климат пен ынтымақтастықтың перспективалы бағыттарына қызығушылықпен қарап отыр.

«Қытайлық банкирлер мен инвесторлар АХҚО-да ағылшын құқықтарының орнатылуы мен Астанада жаңа биржаның ашылуын қолдайды. Жалпы, шараға деген қызығушылық жоғары болды. Биыл Бүкіләлемдік биржа федерациясының төрағалығы Шанхай қор биржасына өтті. Ол капиталдандырудың әлемдегі Nasdaq-тан кейінгі төртінші ең ірі биржасы. Осы екі биржа Астанадағы жаңа биржаны Жібек жолы және «Бір белдеу, бір жол» бағдарламасы аясында Орталық Азиядағы негізгі биржа ретінде қарастырып отыр», - деді Қ. Келімбетов.

 

 


Басты сөздер: Қор рыногы, Қытай,
Бөлісіңіз:
Онлайн қызметкерлер
Редактор
Кожакелдиев Е.
Кожакелдиев Е.
954-059
Редактор
Жарылқасын Саягүл
Жарылқасын Саягүл
954-059
Мұрағат