00:52, 29 Сәуір 2017 | GMT +6
Сенбі күні елдің басым бөлігінде жауын-шашын күтіледі
АСТАНА. ҚазАқпарат - Атмосфералық фронттардың өтуіне байланысты 29 сәуір күні республиканың басым бөлігінде жаңбыр жауады, оңтүстік-шығыста нөсерлі жаңбырлар күтіледі, тек батыс аймақтарда күн райы жауын-шашынсыз болады.
Республиканың кей жерлерінде найзағай, тұман, екпінді жел күтіледі, оңтүстікте және оңтүстік-шығыста бұршақ жаууы ықтимал.
Атап айтқанда, Жамбыл, Оңтүстік Қазақстан, Қызылорда облыстарының жекелеген аудандарында бұршақ жаууы мүмкін, желдің жылдамдығы 15-20 м/с күшейеді, Жамбыл облысында тұман болжанады.
Қарағанды, күндіз Солтүстік Қазақстан облыстарының кей жерлерінде жел 15-20 м/с күшейеді, түнде және таңертең тұман болады.
Шығыс Қазақстан, күндіз Ақмола, Маңғыстау, Атырау, Павлодар облыстарының жекелеген аумақтарында желдің екпіні 15-20 м/с дейін артады.
Түнде және таңертең Қостанай облысының кей жерлерінде тұман күтіледі.
Оңтүстік Қазақстан облысының жекелеген жерлерінде түнде топырақ бетінде үсік сақталады.