Сенат төрағасының орынбасары қытайлық әріптесімен кездесті
«Біз парламентаралық байланыстар мен экономикалық интеграция, өзара инвестициялар салу мәселесін қозғадық. Бүгін мұнда екі елдің кәсіпкерлерінің қазақстан-қытай форумы өтіп жатыр. Си Цзиньпиннің «Бір белдеу-бір бағыт» бастамасы Елбасы Нұрсұлтан Назарбаев көтерген «Нұрлы жол» мемлекеттік бағдарламасымен үндеседі. Соңғы бірнеше жылдың өзінде ғана бізде 2,5 мың км теміржолдар, 4 мыңнан астам км автомобиль жолдары салынып, бірқатары қайта жөндеуден өтті. Қазақстан Жібек жолы бойында, Батыс Қытайдан Батыс Еуропаға қарай апаратын жол бойында өте тиімді орналасқан. Сол себепті біздің бағдарламаларымыз бірлесіп, жатса, одан бізідің ұтарымыз көп»,-деді С.Громов қазақстандық журналистерге берген сұхбатында.
Оның сөзінше, Қытай тарапының шақыртуымен ҚР Парламентінің бір топ сенаторлары Шыңжаң Ұйғыр автономиялы ауданы мен Гуанчжоу қаласы және оңтүстікқытайлық Гуандун провинциясында болды.