Сәрсенбіде еліміздің басым бөлігінде күн ашық болады

АСТАНА. ҚазАқпарат - 3 қаңтарда Қазақстанның басым бөлігінде жауын-шашынсыз ауа райы сақталады, тек оңтүстік-батыста және республиканың оңтүстігінде атмосфералық ағындардың өтуіне байланысты жауын-шашын жауады. Кей жерлерінде көктайғақ,тұман, желдің күшеюі күтіледі, деп хабарлайды Қазгидромет.

Жамбыл, Оңтүстік Қазақстан, Ақтөбе, Қостанай облыстарының кей жерлерінде тұман күтіледі, желдің екпіні 15-23 м/с-ге жетеді.
Қарағанды облысының кей жерлерінде желдің жылдамдығы 15-20 м/с болады.
Маңғыстау, Атырау, облыстарының кей жерлерінде тұман, көктайғақ болады.
Ақмола, Алматы, Батыс Қазақстан, Солтүстік Қазақстан, Павлодар, Шығыс Қазақстан облыстарының кей жерлерінде тұман болады.
Қызылорда облысының кей жерлерінде тұман күтіледі, желдің күшеюі 15-20 м/с, күндіз көктайғақ болады.