Сахалинде биылғы рекордтық төмен температура тіркелді

АСТАНА. ҚазАқпарат - Синоптиктер 23 қаңтар күні Сахалинде ауаның ең төменгі температурасын тіркеді. Облыстың орталық және солтүстік аудандарында термометр бағаны минус 43 градусқа дейін төмендеді, деп хабарлайды ТАСС.

Сахгидрометтің бас синоптигі Людмила Алексееваның айтуынша, климаттық нормадан бес градусқа төмен температура Тымов ауданында тіркелген. Дегенмен жуық күндерде циклонның жақындауына байланысты күн аздап жылына түседі.

Осындай қатты аязда да облыстың білім беру мекемелері жұмысын тоқтатпаған. Атап айтқанда сол Тымов ауданының өзіндегі 11 мектеп пен 9 балабақша әдеткі режиммен жұмыс істеді.

Фото: www.stranamam.ru