Сәбиін қоқысқа тастаған көкек анаға іздеу жарияланды

None
None
ПАВЛОДАР. ҚазАқпарат - Полицейлер сәбиін қоқысқа тастап кеткен ананы тек Павлодар қаласында ғана емес, облыстағы барлық ауылдық аудандар мен қалаларда іздеп жатыр, деп хабарлайды «ҚазАқпарат» ХАА тілшісі.

«Тастанды балаға қатысты сотқа дейінгі тергеу жұмыстары басталып, тергеу-жедел іздестіру іс-шаралары жүргізіліп жатыр. Іздеу жұмыстары тек облыс орталығында емес, барлық қалалар мен аудандарда жүргізілуде», - деді журналистерге Павлодар облыстық ішкі істер департаментінің баспасөз хатшысы Баян Мағзұмова.

Еске сала кетейік, Павлодар қаласындағы қоқыс жәшігінен жаңа туған нәресте табылған еді.

Сондай-ақ, облыстың бас дәрігері Ораз Мұқашев қоқыс контейнерінен табылған сәбидің денсаулығы туралы ҚазАқпарат тілшісіне айтып берген болатын. 

Соңғы жаңалықтар