Ауа райы
Астана 20 °С
Алматы 17 °С
валюта бағамы
USD 332.80
EUR 390.57
RUB 5.60
CNY 49.88

Рудный индустриялық институтының ректоры ОҚО жастарын шақырды

Рудный индустриялық институтының ректоры ОҚО жастарын  шақырды
2017 жылғы 12 тамыз 12:07 473

 АСТАНА. ҚазАқпарат - Оңтүстік Қазақстан облысының әкімі Жансейіт Түймебаев Қостанай облысындағы Рудный индустриялық институтының ректоры, профессор Әбдірахман Найзабековты қабылдады.

Кездесуде тараптар еліміздегі білім беру жүйесі мен оған мемлекеттен жасалып жатқан қамқорлық жайын сөз етіп, осы мәселер аясында жүзеге асырылып жатқан түрлі бағдарламалар туралы әңгімелесті, деп хабарлайды ОҚО әкімінің баспасөз қызметі,

 Ж. Түймебаев өңірдегі жастарды «Серпін-2050» бағдарламасы аясында  өзі басқаратын оқу орнына шақыра келген қонақтың ұсынысын құп көріп, оны жүзеге асырудың жай-жапсарын талқылады.

Рудный индустриялық институтының ректоры ОҚО жастарын  шақырды 

Тарихы ХХ ғасырдың 50 жылдарынан бастау алатын Рудный Индустриалдық институты бүгінде техникалық ғылым саласында инфрақұрылымы дамыған заманауи ғылыми-білім кешені болып табылады. Институт оқытушылары «Серпін-2050» бағдарламасы бойынша соңғы 2 жылдан бері шалғай ауылдардан талапкерлерді қабылдап, бүгінге дейін 250 студентті (оның 200-ге жуығы ОҚО-дан) маман атандырып отыр. Жоғары оқу орны ректорының айтуынша, биыл тағы 130 студент біздің өңірден Рудныйға аттанып, білімін жалғастырады деп күтілуде. Оқу орнын бітірген түлектердің 95-98 пайызы мамандығы бойынша жұмысқа орналасатынын жеткізген профессор онда жастар үшін барлық жағдайдың жасалғанын мәлімдеді.

Әкіммен өткен басқосудан соң Ә.Найзабеков Шымкенттегі Жастар орталығында бірқатар талапкерлермен кездесті. Ректор жастарды Солтүстікте білімін жалғастырып, сонда жұмысқа орналасуға шақырды.

Рудный индустриялық институтының ректоры ОҚО жастарын  шақырды 

Айта кетейік, «Серпін-2050» бағдарламасы бойынша, 2014 жылы 1000 грант бөлініп, күнгейлік 326 жас оқуға түссе, 2015 жылы 34 колледжге 1200 грант қарастырылып, 359 талапкер білімін жалғастырды. Былтыр 31 колледжге 1000 грант бөлініп, 244 жас оқуға түсті. Жалпы соңғы 3 жылда Оңтүстіктен «Серпін-2050» бағдарламасы бойынша ЖОО-нда 4698 студент, колледждерде 929 жас білім алуда.

Ал 2017 жылы «Серпін-2050» бағдарламасы аясында ЖОО-на 3793 мемлекеттік грант, ал колледждерге 720 грант бөлініп отыр. 23-31 шілде аралығында мемлекеттік грант иегері атануға ОҚО жас түлектерінен «Серпін» жобасына 7849 құжат тапсырылған-ды.

 

 

 

Басты сөздер: Оңтүстік Қазақстан облысы, Білім, Әкімдік,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер