Роналду Пеленің рекордын қайталады

АСТАНА. ҚазАқпарат - «Реалдың» шабуылшысы Криштиану Роналду «Гремиоға» қарсы клубтық әлем чемпионатының финалдық матчында (1:0) есеп ашты, деп хабарлайды Sports.ru.

Бұл аталмыш турнир аясындағы португалдықтың жетінші голы. Ол КӘЧ/Құрлықаралық кубоктың тарихындағы рекордты қайталады. 1962-1963 жылдары Құрлықаралық кубокта жеті голды «Сантостың» құрамындағы Пеле салған болатын.