Ресейде Telegram бойынша шешімді орындамаған Google мекенжайын бұғаттады

АСТАНА.ҚазАқпарат -  Роскомнадзор  Google компаниясы РФ территориясында Telegram мессенджерін бұғаттау жөніндегі талапты орындамағандықтан компанияның бірқатар мекенжайын  ақпараттарға тыйым салынған  реестрге кіргізгенін мәлімдеді, деп хабарлайды «ҚазАқпарат» ХАА ТАСС агенттігіне сілтеме жасап. Бұл туралы ведомоство жексенбі күні Twitter-ге жазды.

Қызмет хабарламасында, «Google Роскомнадзор талабын орындамай және оның үстіне сот үкімін бұза отырып Telegram Messenger Limited Liability Partnership компаниясының  Ресей аумағында жұмысын жалғастыра беру үшін өзінің IP-адресін пайдалануын тоқтатпағандығы» көрсетілген.

Бұдан бұрын ҚР Ақпарат және коммуникациялар министрі Дәурен Абаев Қазақстанда Telegram желісінің бұғатталу ықтималдығына қатысты пікір білдірген еді.