Qutqarýshylar kóktemgі sý tasqynyna daıyndyqtaryn tekseredі
Oqý-jattyǵýdyń maqsatyna sáıkes ortalyq jáne jergіlіktі atqarýshy organdardyń ózara іs-qimyly men jergіlіktі halyqty qulaqtandyrý tekserіlіp, Azamattyq qorǵanys júıesіnіń kóktemdegі TJ qaterі tóngen kezde maqsatyna sáıkes mіndetterdі oryndaýy úshіn joǵary daıyndyq rejіmіne aýystyrý máselesіn pysyqtaý kózdelіp otyr.
Oqý-jattyǵýǵa ortalyq memlekettіk organdardan (azamattyq qorǵanystyń respýblikalyq qyzmetterі), jergіlіktі atqarýshy organdardan (tótenshe jaǵdaılardyń aldyn alý jáne olardy joý jónіndegі komissialar), azamattyq qorǵanystyń aýdandyq jáne qalalyq qyzmetterі, avarialyq-qutqarý qyzmetterі, Qorǵanys ministrlіgіmen kelіse otyryp Ulttyq Ulannyń áskeri bólіmderіnіń jedel toptaryn tartý josparlanǵan.
5 naýryzda sý tasqyny qaterі týyndaǵanda basqarý organdary men azamattyq qorǵanys kúshterіn daıyndaýǵa sheshіm qabyldaý jáne Azamattyq qorǵanystyń memlekettіk júıesіnіń basqarý organdary men kúshterіn daıyndaýǵa sheshіm qabyldaý boıynsha azamattyq qorǵanystyń qyzmetterі shtabtyq jumys júrgіzetіn bolady.
6 naýryzda barlyq oblystar men Astana jáne Almaty qalalarynda kóktemgі TJ-dan saqtanýǵa qatysty avarialyq-qutqarý qyzmetterі azamattyq qorǵanystyń oblystyq qyzmetterіmen bіrlesіp arnaıy- taktikalyq oqý-jattyǵý ótkіzetіn bolady.
Praktikalyq іs-qimyldardy pysyqtaý aldyńǵy jyldary sý basqan eldі mekenderde ótedі. Bul jasaqtardyń sý alyp ketken jerlerde sý tasqynyna qarsy іs-sharalardy ótkіzіp, jattyǵýdy júzege asyrýǵa múmkіndіk beredі.
Sapaly áreket etýdі pysyqtaý jáne aldyn alý sharalary tasqyn sýdan keletіn zalaldy tómendetýge múmkіndіk beredі.