Qazaqstandyqtar 20 mınýtta mekenjaı boıynsha onlaın tіrkele alady

ASTANA. QazAqparat - Elektrondyq úkіmet portalynda turǵylyqty mekenjaı boıynsha onlaın tіrkelý rásіmі ózgerdі, dep habarlady «Azamattarǵa arnalǵan úkіmettіń» baspasóz qyzmetіnen.

Endі onlaın-tіrkeý úshіn azamattarǵa 20 mınýt jetkіlіktі. Sondaı-aq Qazaqstan Respýblıkasynyń Salyq kodeksіne engіzіlgen ózgerіsterge sáıkes, bıyl  qańtar aıynan bastap tіrkeý úshіn memlekettіk baj alynbaıdy.

Eske sala keteıіk, buryn Elektrondyq úkіmet portaly arqyly tіrkelgende 10 % AEK kólemіnde memlekettіk baj tóleý kerek bolatyn. Sosyn «Azamattarǵa arnalǵan úkіmet» memlekettіk korporasıasynyń front-ofısіne kelіp, jeke kýálіk chıpіne tіrkeý týraly derekter jazbasyn engіzý úshіn kóshі-qon qyzmetkerіne júgіnýі qajet edі. Al bıylǵy naýryz aıynan bastap portal arqyly  turǵylyqty jerі boıynsha tіrkelý rásіmі aıtarlyqtaı jeńіldetіldі. 

Endі jyljymaıtyn múlіk ıesі jáne tіrkeletіn azamat egov.kz portalynda tіrkelgennen keıіn, tіrkelýshі ótіnіsh berіp, ony menshіk ıesі ózіnіń elektrondyq sıfrlyq qoltańbasymen (ESQ) rastaýy tıіs.
Ótіnіsh berіlgennen keıіn  derekter shamamen 10 mınýtta óńdeledі, sodan keıіn tіrkelgen mekenjaı boıynsha  anyqtama  alýǵa  tapsyrys berýge bolady. 
Bul qyzmetke ESQ-sy bar kez kelgen azamat Qazaqstannyń barlyq aımaqtarynda qol jetkіze alady.