QazaqGeography кеңесінде Ұлытауда туризмді дамыту мәселесі талқыланды
Жиын QazaqGeography Қамқоршылық кеңесінің төрағасы Кәрім Мәсімовтің жетекшілігімен өтті. Оған ҚР Премьер-Министрінің бірінші орынбасары Асқар Мамин, ҚР Президентінің көмекшісі Әлихан Смайылов, ҚР Премьер-Министрі Кеңсесі басшысының орынбасары Ержан Бабақұмаров, QazaqGeography өкілдері, «Ұлытау» қорық-музейінің директоры Бахтияр Қожахметов (Бірлестіктің Басқару кеңесінің мүшесі, Қарағанды облысындағы QazaqGeography аймақтық өкілдігінің жетекшісі) қатысты.
Күн тәртібінде - Бірлестіктің 2017 жылы атқарған жұмыстарының қорытындысы және 2016 жылдың 24 тамызында Ұлытау ауылында өткен Бірлестіктің Басқару кеңесінің отырысында қабылданған сұрақтардың орындалу барысы болды.
«Ұлытау» қорық-музейінің директоры Бахтияр Қожахметов аталмыш қорық-музейдің Визит-орталығының құрылысына дайындық туралы баяндама жасап, Ұлытау ауылының тұрғындары атынан алғыс білдірді.
QazaqGeography іс-шарасына алғаш рет Орыс географиялық қоғамының (ОГҚ) вице-президенті Кирилл Чистяков, ОГҚ Президентінің халықаралық қызметтер бойынша кеңесшісі Сергей Катиков қатысты.