Президенттің үндеуі қоғам мен мемлекеттің алдындағы көптеген сауалдарға жауап берді - сарапшы
«Біз Мемлекет басшысының үндеуін тыңғылықты тыңдап шықтық. Біз нақты саяси реформалардың қарсаңында тұрмыз. Парламенттің рөлі елеулі түрде артпақ»,- деді Ерлан Саиров.
Ал өз кезегінде саясаттанушы Берік Әбдіғалиұлы бүгінде әлемде өзгерістер болып жатқандығын және Қазақстанда да тиісті өзгерістер орын алатынын атап өтті.
«Бүгінде икемдірек, үйлестірілген басқару жүйесі керек. Бұл жайында Мемлекет басшысы қадап айтты. Осы орайда Парламенттің, Үкіметтің жауапкершілігін нақты көтеру жайында Президенттің үндеуі өте орынды болды. Қазақстан халқы алдында жауапкершілік артады, яғни Үкімет халық алдында елдің әлеуметтік-экономикалық дамуы үшін жауапты болады. Алдағы уақытта Парламент өзінің кеңейтілген өкілеттігімен халық қалауын жеткізуші ретінде Үкіметтің шешімдерін қадағалауы тиіс»,-деді ол.
Мұнымен қоса, Болат Байқадамов Президенттің бүгінгі үндеуі қоғамның, мемлекеттің алдында тұрған көптеген сауалдарға жауап бергенін атап өтті. Осы ретте билік тармақтары арасында тиісті теңгерімді жүргізу ескеріліп отырғандығын жеткізді.
Бұдан бұрын хабарланғандай, үндеу барысында Елбасы Нұрсұлтан Назарбаев Қазақстанда Үкіметті жасақтауда Парламенттің рөлі күшейтілетінін мәлім етті.
«Қазір заманның дидары өзгерді. Біз де өзгеруге тиіспіз. Сол себепті мемлекеттің басқару жүйесін де жаңғыртатын кез келді. Мен елдің мүддесі мен заманның талабын, ұрпақтың болашағын ойлай отырып осындай байлам жасадым. Арнайы құрылған жұмыс тобы атқарылған істерді баяндады. Реформа екі негізгі бағыт бойынша іске асады. Біріншіден, Президенттің әлеуметтік-экономикалық процестерді реттеудегі біршама өкілеттерін Үкіметке және басқа да атқарушы органдарға берген жөн деп санадым», - деді ҚР Президенті.