Ауа райы
Астана 10 °С
Алматы 8 °С
валюта бағамы
USD 314.40
EUR 343.83
RUB 5.51
CNY 45.60

Президент Астанада пәтерді жалға беру бизнесін реттеуді тапсырды

Президент Астанада пәтерді жалға беру бизнесін реттеуді тапсырды
2017 жылғы 21 сәуір 15:49 1199

АСТАНА. ҚазАқпарат  - ЭКСПО көрмесіне дайындық жұмыстарын пысықтауға арналған жиында ҚР Президенті Нұрсұлтан Назарбаев Астанада арендалық баспананың көлеңкелі нарығымен күресуді тапсырды, деп хабарлайды ҚазАқпарат.

«Астанада баспананы жалға берудің көлеңкелі нарығы ұлғайып келеді. Қала басшылығы жалға берілген үйлердің нақты санын білмейді. Көбісі бірнеше пәтерден сатып алған, оны жалға беріп, кіріс көзін жасап алған. Бұл бизнестің бір түрі, бірақ қала бюджетіне мұндай бизнестен салық түсіп отырған жоқ. Қаланың салық қызметі не қарап отыр? Бұл саланы тәртіпке келтіру қажет», - деп атап өтті Мемлекет басшысы.

Сондай-ақ Елбасы мемлекеттік тұрғын үй қорынан пәтер ала алатын азаматтар санатын қысқарту қажеттігін айтты.

«Мен бұл туралы бірнеше мәрте айттым. Біз соғыс ардагерлерін он есе пәтермен қамтыдық: балаларын, немерелерін, тіпті шөберелеріне шейін. Құрмет болу керек. Біз оларды құрметтейміз, сыйлаймыз, барлығын жасап жатырмыз, бірақ оң-солына қарау керек. Тегін баспана деген болмау керек. Кезекте тұрғандардың басым бөлігі бюджеттік қызметкерлер. Олар Тұрғын үй құрылыс жинағы жүйесі арқылы немесе отандық несиелерді субсидиялау тетіктерін қолдануы тиіс. Оның барлығы «Нұрлы жер» бағдарламасында қамтылған», - деп түсіндірді Назарбаев.

 

 

Пікір қалдыру

Соңғы Пiкiрлер