Португалияда орман өрті кезінде 9 адам қаза тапты

АСТАНА. ҚазАқпарат -  Лейрия (Португалия) округінде орман өрті салдарынан 19 адам қаза тапты. 20 адам зардап шегіп, екі адам із-түзсіз кетті. Бұл туралы Agence France-Presse-ке сілтеме жасап ТАСС хабарлады.

«19 адам қайтыс болғанын растаймыз. Үш адам түтінге тұншығып қаза тапты, 16 адам Фигейро-душ-Виньюш елді мекенінен Каштаньейра-ди-Пераға бара жатқан жолда көліктерінде өртеніп кеткен», - деген билік өкілінің сөзін келтірді агенттік. Сондай-ақ, зардап шеккен 4 адам ауыр халде жатыр.

Өрт сенбіде басталды. Апатпен 500-ге жуық өрт сөндіруші арпалысуда, олардың алтауы зардап шекті.