06:56, 28 Қараша 2017 | GMT +6
Полицияға бағынбаған жүргізуші қамауға алынды
АСТАНА. ҚазАқпаарат - Жаңаөзен қаласының мамандандырылған әкімшілік сотында Қазақстан Республикасы ӘҚБтК-нің 667-бабының 1-бөлігімен Б.-ға қатысты әкімшілік іс қаралды, деп хабарлайды mng.sud.kz.
Сотта анықталғандай, Б. «Toyota Camry» маркалы көлік құралын Жаңаөзен қаласы, Бейбітшілік-Қосқұлақ жолдары қиылысында басқарып келе жатып, полиция қызметкерлерінің көлікті тоқтатып, көлік құралын басқару құжаттарын сұраған заңды талабына бағынбай, кетіп қалған.
Сот қаулысымен Б. Қазақстан Республикасы ӘҚБтК-нің 667-бабының 1-бөлігімен кінәлі деп танылып, оған 2 тәулікке әкімшілікке қамаққа алу жазасы тағайындалды.