11:15, 21 Мамыр 2017 | GMT +6
Полиция Қарағандыда із-түссіз жоғалған қыздарды тапты
ҚАРАҒАНДЫ. ҚазАқпарат - 8 мамыр күні із-түссіз жоғалған 15 және 17 жастағы апалы- сіңлілі қыздар табылды, деп хабарлайды «ҚазАқпарат» ХАА тілшісі.
«Іздеу істері тоқтатылды, қыздар табылып, үйлеріне жеткізілді», - деп хабарлады Қарағанды облысы ішкі істер департаменті баспасөз қызметінің басшысы.
Қыздардың қайда болғандығы және ұялы телефондарының не себепті сөндіріліп, ата-аналарымен байланысқа шықпағандығы жайлы нақты ақпараттар берілмей отыр.
Бір-біріне туыс болып келетін әлі кәмелетке толмаған Елдана Исламшейх және Ботакөз Қайырбаеваларға 8 мамырдан бастап іздеу салынған. Жоғалған қыздардың ата-аналары қазақстандықтардан әлеуметтік желілер арқылы көмек сұраған болатын.