Петропавлда жүргізуші қатарынан бес көлікті соғып кетті

ПЕТРОПАВЛ. ҚазАқпарат - Петропавл қаласындағы түнгі клубтың алдында болған жол-көлік оқиғасынан бірнеше автомобиль бүлінді, деп хабарлайды «ҚазАқпарат» ХАА тілшісі.

Түндегі оқиғағаның қалай болғанын СҚО ІІД өкілдері түсіндіріп берді.

«Тойота Камри» автомобилінің жүргізушісі бірден бүлдірді: «Ауди 80», «Мерседес», «Фольксваген Тигуан», «Тойота Прадо», «Хюндай Элантра» көліктерін қағып кетті.

«Аталған факт бойынша әкімшілік материалдар жиналуда. Жүргізуші Қазақстан Республикасының әкiмшiлiк құқықбұзушылық туралы заңнамасы бойынша жауапқа тартылады»,-деп хабарлайды ведомствоның баспасөз қызметі.

30 жастағы жүргізушінің кінәсі нақтыланып, көлігі айып тұрағына жөнелтілді. Енді оны алдыда сот күтіп тұр.