Петропавлда темекі шегушінің аңғалдығынан өрт шықты

АСТАНА. ҚазАқпарат - Петропавлдағы көпқабатты тұрғын үйлердің бірінде тағы да темекінің кесірінен өрт шықты, деп хабарлайды «ҚазАқпарат» ХАА ҚР ІІМ Төтенше жағдайлар комитетінің баспасөз қызметіне сілтеме жасап. 

«8 наурыз күні сағат 22.51-де 5 қабатты тұрғын үйдің 3-ші қабатындағы пәтерден өрт шықты. 25 адам, соның ішінде 3 бала эвакуацияланды. Өрт түнгі сағат 23:12-де сөндірілді. Өрт сөндірушілер 1964 жылғы ер адамды құтқарып қалды. Ол иіс газымен уланып, ауруханаға жеткізілді. Өрттің алдын ала шығу себебі - темекі шегу кезіндегі салақтық», - делінген хабарламада.

Өрт сөндірушілердің 12 қызметкері мен 3 техника өрт сөндіруге тартылды.