Петропавлда бір тәулікте екі көлік аударылды

ПЕТРОПАВЛ. ҚазАқпарат - 19 сәуір күні кешкісін Петропавлда Тоyоtа Surf автокөлігі аударылды, деп хабарлайды ҚазАқпарат тілшісі. 

Автомобиль Жағалау көшесінде апатқа ұшыраған. СҚО ІІД баспасөз қызметінің ақпараты бойынша, жүргізуші тірі қалған.

«Жол апаты салдарынан жүргізуші дене жарақатын алған, оған медициналық көмек көрсетіліп, үйіне қайтарылды. Апаттың мән-жайы анықталып жатыр», - деп түсіндірді баспасөз қызметінен.

Бұдан бұрын дәл осы күні Петропавл орталығында екі көліктің соқтығысуы салдарынан ФАТ автомобилі аударылған болатын.