10:01, 10 Желтоқсан 2016 | GMT +6
Пентагон Charlie Hebdo шабуылына қатысушының көзін жойғанын хабарлады
АСТАНА. ҚазАқпарат - АҚШ ӘӘК ұшқышсыз ұшағы Charlie Hebdo редакциясына шабуылдауға қатысқан «Ислам мемлекеті» содырының көзін жойды, деп хабарлады The Assocated Press сілтеме жасап РБК.
Әңгіме Бубакере әл-Хакиме жайында. Ол ИГИЛ жетекшілерінің бірі. Әскерилер Әл-Хаким 2015 жылғы қаңтарда Париждегі Charlie Hebdo сатиралық басылымы редакциясына шабуылдауды жоспарлады деп санайды. Олардың пікірінше, ол журнал редакциясына басып кірген лаңкестердің басшысы болған.
Ол сондай-ақ, ведомство деректеріне сәйкес, шетелде ИГИЛ идеяларын насихаттаған. Ол өткен айда лаңкестер Ислам мемлекетінің астанасы деп санайтын Раккеде өлтірілгені хабарланады.