Павлодарлық оқушылар екі күннен бері сабаққа бара алмай отыр

ПАВЛОДАР. ҚазАқпарат - Павлодар әкімдігі мектептерде сабақ болмайтыны туралы мәлімдеді, деп хабарлайды «ҚазАқпарат» ХАА тілшісі.

«26 желтоқсан күні ауа райына байланысты ескерту жарияланды. Балалардың көшеде жүруі қиынға соғуда. Олар құлап, жарақат алуы мүмкін. Сондықтан мектептегі сабақтарды тоқтата тұру жөнінде шешім қабылданды», - дейді Павлодар әкімдігінің баспасөз хатшысы Салтанат Әкімбекова.

Талапқа сәйкес көктайғақ сабақты тоқтатуға себеп болмайды, алайда қаланың білім бөлімі шешім қабылдауда төтенше жағдайлар жөніндегі департаменттің мәліметтерін басшылыққа алды.