Павлодардағы театрға Кәукен Кенжетаевқа арналған мемориалды тақта қойылатын болды

Жүсіпбек Аймауытов атындағы облыстық қазақ музыка-драма театрының қабырғасына Кәукен Кенжетаевқа арналған мемориалды тақта орнатылады, деп хабарлайды pavlodarnews.kz.

Қазақ ССР халық әртісі, Баянауыл ауданының тумасы, режиссер Кәукен Кенжетайұлына арналған мемориалды тақтаның ашылу салтанаты 28-қыркүйек күні театрдың 27-ші өнер маусымының ашылуымен бірге өткізілмек.

«Қазақ кино өнерінің жарық жұлдызы, актер, жерлесіміз Кәукен Кенжетайұлының туғанына биыл 100 толып отыр. Осыған орай тақтайшаны өңірімізге белгілі суретші, мүсінші Бота Машрапов жасады», - дейді облыстық Мәдениет, архивтер және құжаттама басқармасының басшысы Айнұр Сәрсенбаева.