Павлодарда белгісіз біреулер қос теректің қабығын сыпырып алған
- Оқиға орнына қалалық ТҮКШ бөлімінің мамандары шығып, болған фактіні тіркеуге алды, - дейді Павлодар қаласы әкімінің баспасөз хатшысы Салтанат Әкімбекова. - Мұндай құқық бұзушылыққа жол берген тұлғаларды анықтау мақсатында барлық материал полицияға тапсырылды. Жасыл желекке зиян келтірген бұзақылар 20 АЕК көлемінде айыппұл төлеуі мүмкін. Ал, егер де бұл әрекетке заңды тұлға барған болса, 30-100 АЕК көлемінде айыппұл салынады. Бұл осымен Павлодарда орын алған алғашқы оқиға емес. Бұған дейін вандалдар ағаш кесуге рұқсаты болмасына қарамастан, дүкенге кіреберіс жолда өсіп тұрған теректің тамырына бетон құйып тастаған. Нәтижесінде жеке кәсіпкерлік иесіне 30 АЕК көлемінде айыппұл салынды.
Айта кетерлігі, Степан Разин, 1 көшесінде ешқандай дәмхана мен дүкен орналаспаған. Баспасөз хатшысының айтуынша, бұзақылардың бұл қылығынан екі терек енді жазда кесілетін болды.