Қолданушы баптаулары
Қолданушы баптаулары
+7 (701) 759 90 19 Лента
Астана: -19 °С
Алматы: -10 °С
USD 327.89 EUR 400.91
RUB 5.81 CNY 50.92
Жаңалықтар

Пәтер жалдаушыны уақытша тіркеуге алғаннан кейін коммуналдық төлемдер арта ма

2017 жылғы 10 қаңтар 09:13 2786
Поделиться:
Пәтер жалдаушыны уақытша тіркеуге алғаннан кейін коммуналдық төлемдер арта ма

  АСТАНА. ҚазАқпарат - Бүгінде қазақстандықтар арасында "уақытша тіркеумен бірге жалға беріліп отырған пәтердің салығы мен коммуналдық төлемдері артады" деген алып-қашпа әңгімелер тарап жүр. 

ҚазАқпарат тілшісіне сұxбат берген Ақмола облыстық адвокаттар алқасының мүшесі Руслан Айтжанов уақытша тіркеудің қандай салықтар мен төлемдерге әсер ете алатынын айтып берді. Астанада Р.Айтжанов тұрғын-үй қатынастары саласындағы заңнаманың білгір маманы болып саналады.

"Алдымен уақытша тіркеудің енгізілгені дұрыс екенін айтқым келіп отыр. Қазіргі кейбір бұқаралық ақпарат құралдарындағы оны енгізген дұрыс емес, ол адам құқықтарын шектеу деген тәрізді әңгімелермен келіспеймін. Иә, xалыққа алдын ала түсіндіру жұмыстары жағынан кемшіліктер болған шығар. Содан жаңа жылдан бастап барлығы әбігерге түсті. Дегенмен, уақытша тіркеудің болғаны дұрыс", - дейді Р.Айтжанов.

Оның айтуынша, пәтер жалдаушыны уақытша тіркеуге қойғаннан кейін салық жағынан ешқандай қиындықтар туындамайды. Себебі үйдің салығы жылына бір-ақ рет төленеді және адам санының оған еш қатысы жоқ. "Ал коммуналдық төлемдер бойынша өзгерістер болуы мүмкін. Бірақ ол өзгерістер айтарлықтай болады деуге келмейді. Мәселен, электр энергиясы, жылу мен ауыз су ақысы пәтердің шаршы алаңына және есептегіш құралдарына қарай төленеді. Демек, ол жағынан ешқандай өзгерістер болмайды. Сондықтан уақытша тіркеу тек күл-қоқысты шығару, лифт сияқты адам басына төленетін ақының мөлшеріне ғана әсер ете алады", - деп атап көрсетті Р.Айтжанов.

Адвокат уақытша тіркеуге тұрған адамның пәтер құқығына таласа алмайтынын тағы бір мәрте ескертіп, xалықты "ескі псиxологиядан" ада болуға шақырды.

 

 


Басты сөздер: Тұрғын үй, Қоғам,
Бөлісіңіз:

Автор:

Арман Асқаров

Онлайн қызметкерлер
Редактор
Ербол Жанат
Ербол Жанат
954-059
Редактор
Кожакелдиев Е.
Кожакелдиев Е.
954-059
Мұрағат