Пәкістанда жанармай цистернасынан шыққан өрттен 100-ден аса адам мерт болды

АСТАНА. ҚазАқпарат - Пәкістанның Бахавалпур қаласында (Пенджаб провинциясы) жанармай құйылған цистернадан шыққан өрттен 123 адам қаза тауып, 15 адам зардап шекті. Бұл туралы Geo Tv телеарнасына сілтеме жасап ТАСС хабарлады.

Арна таратқан мәліметтерге қарағанда, жергілікті тұрғындар цистернадан аққан жанар-жағармайды құйып алуға әрекеттеніп жатқан кезде, кенеттен цистерна өртке оранған.