Пәкістанда ойыншық-бомбаның жарылуынан 6 бала ажал құшты

АСТАНА. ҚазАқпарат - Жексенбі күні Пәкістанның солтүстік-батысында ойыншыққа ұқсас жарылғыш зат іске қосылып, алты бала ажал құшты, деп хабарлайды ҚазАқпарат «РИА Жаңалықтар» агенттігіне сілтеме жасап.

Мәлім болғандай, оқиға Ауғанстан шекарасынан алыс емес жерде Оңтүстік Вазиристанның ауылдарының бірінді болды.

«6-12 жас аралығындағы алты ұл бала ойыншық-бомбаның жарылуы салдарынан қаза болды, тағы екеуі ауыр жарақаттанды», - деп мәлім етті Франс Пресс агенттігіне есімі аталмаған жергілікті әкімшілік өкілі.

Жарылғыш заттың қайдан келгені белгісіз. Оқиғаның өзге мән-жайлары анықталуда.