Өскемендегі Бәйтеректі айнала қола мүсінді 14 қыз билеп тұр

ӨСКЕМЕН. ҚазАқпарат - Өскемендегі Бәйтерек монументінің айналасына тізіле орналасқан ұлттық киімдегі биші қыздардың таңғажайып қол мүсіндері қаланың көркін ерекше ажарландырып жіберді, деп хабарлайды «ҚазАқпарат» ХАА тілшісі.

Бұл сәулет туындылары Ертіс көпірі маңындағы алаңға ерекше сән береді. Әрбір мүсіннің биіктігі 3,5 метр, олардың жалпы саны - 14. «Қыз Жібек» операсында орындалатын «Айжан қыз» биіне билеп тұрған «қола қыздар» Бәйтерек монументінің төңірегіндегі композициялармен үндесіп тұр. Оларға қарап қазақ қызына ғана тән сұлулық пен биязылықты, жан көркемдігін аңғаруға болады.