Өскеменде мас жүргізуші мініп кеткен полиция көлігі аударылып қалды
ШҚО ІІД хабарлауынша, кеше Орджоникидзе көшесінде шетелік көлік жол бойындағы қоршауға соғысып, жол-көлік апаты орнынан қашып кетті. Полиция камера арқылы із кесіп, құқық бұзушының көлігін тоқтатты және оның жүргізушісінің шылқа мас екенін анықтады.
«Hyundai Accent» автокөлігінің 36 жастағы жүргізушісі алкогольді ішімдікке масайған күйінде көлік жүргізген, - деп хабарлады мекеменің баспасөз қызметі. - Көлікті тоқтатқанда, ондағы жолаушы тәртіп сақшыларының киіміне жармасып, балағат сөздер айтып, қарсылық танытты. Полиция қаһарлы жолаушыны ұстауға тырысты, ал сол мезетте мас жүргізуші полиция автокөлігін айдап әкеткен. Ер адам ұзаққа бара алмады және Протозанов көшесінде көлік аударылды.
Глубоково ауданының екі тұрғынына қатысты қылмыстық іс қозғалды.