Орталық Азияның экономикасы өседі - ҚХҚК-нің болжамы
Дүниежүзілік банктің есебіне сәйкес, ағымдағы жылда Орталық Азияның экономикалық өсімі шамамен 2,7 пайызды құрайды. Қазақстанда - 2-3 пайыз, Қырғызстанда - 3-3,5 пайыз, Тәжікстанда - 5-6 пайыз, ал Өзбекстан мен Түрікменстанда экономикалық өсім орташа есеппен 6 пайыздың айналасында болады деген болжам бар. "Әрине, энергия ресурстарының бағасы экономикалық өсімге оң әсерін тигізеді. Мәселен, Brent маркалы мұнайдың баррелі 55-70 доллардың шамасында болады. Бұдан бөлек, интеграциялық үдерістердің жандануы Орталық Азиядағы экономикалық жағдайды жақсартуға өз септігін тигізеді", - дейді Қазақстанның xалықаралық қатынастар кеңесінің төрағасы Ерлан Қарин.
Оның айтуынша, қазіргі болжамға қарамастан, Орталық Азияның экономикалық өсімі әлемдегі геосаяси және экономикалық өзгерістерге байланысты болмақ. Мәселен, АҚШ-тың Федералдық резерв қызметі есептік мөлшерлемені арттыратын болса, ұлттық валюталар әлсірейді, қарыз сомалары ұлғаяды, инфляцияның үлесі де арта түседі. Соның салдарынан экономикалық өсім тежелуі әбден мүмкін.